हेटौंडाः मकवानपुर प्रहरीले लागु औषध वीनरेक्सहित हेटौंडा–५ का २५ बर्षीय सोम बहादुर थोकरलाई पक्राउ गरेको छ । थोकरलाई बिहीबार वीनरेक्स एक सय मिलिटिर लेखिएको ४८ बोतलसहित हेटौंडा–४ स्थित चिल्ड्रेन पार्कबाट प्रहरीले पक्राउ गरेको हो ।
बिहीबार हेटौंडा–१५ स्थित रातोमाटे हुँदै हेटौंडा बजारतर्फ आइरहेको ना २४ प २२१० नम्बरको मोटरसाइकलमा सवार थोकरले वीनरेक्स बिक्रि बितरण गर्ने उद्धेश्यले ल्याईरहेको छ भन्ने विशेष सुचनाको आधारमा जिल्ला प्रहरी कार्यालय मकवानपुरबाट प्रहरीको टोली खटिएको थियो । थोकरलाई पक्राउ गरि थप अनुसन्धान भइरहेको जिल्ला प्रहरी कार्यालय मकवानपुरले जनाएको छ ।
