हेटौंडाः राष्ट्रिय बालदिवसको अवसरमा हेटौंडा–२ स्थित सिद्धार्थ माविमा आयोजना गरिएको विद्यालयस्तरीय निबन्ध प्रतियोगितामा उपमहानगर भित्रका २० विद्यालयका ८० जना विद्यार्थीहरुले सहभागिता जनाएका छन् । उपमहानगरपालिकाको शिक्षा विकास महाशाखाले १ लाखको बजेट छुट्याई कार्यक्रमको आयोजना गरेकोे हो ।
हेटौंडा उपमहानगरपालिकाको शिक्षा शाखाका प्रमुख गंगाधर रिमालको सभाध्यक्षतामा भएको कार्यक्रममा कक्षा ६ देखि ८ सम्मका ३७ जना विद्यार्थीहरुले मेरो जीवनको लक्ष्य र कक्षा ९ र १० का ४३ जना विद्यार्थीहरुले कोभिड नियन्त्रणमा बालबालिकाको भूमिका शीर्षकको निबन्ध प्रतियोगितामा सहभागिता जनाएका छन् ।
उनीहरुले लेखेको निबन्धको नतिजा बुधबार आउने हेटौंडा उपमहानगरपालिकाका शिक्षा अधिकृत रामचन्द्र खड्काले जानकारी दिनुभयो । उहाँका अनुसार मंगलबार सबैले लेखेको निबन्धहरु निर्णायक मण्डललाई बुझाइएको छ । अहिले धेरै समयसम्म कोरोना महामारीका कारण घरमा दिक्क मानेर बसिरहेका विद्यार्थीहरुलाई विद्यालयमा उपस्थित गराएर अन्तरक्रियाकलाप गर्दा उनीहरुमा हौसला बढ्ने र प्रेरणा मिल्ने उहाँले बताउनुभयो । कक्षाकोठा गराइने पठानपाठनले मात्रा सबै विद्यार्थीहरु क्षमता प्रस्फुटन नहुने हुदाँ अन्तरक्रियाकलायले विद्यार्थीहरुको क्षमता प्रस्फुटन हुने उहाँको बताउनुभयो । अन्तरक्रियाकलापले विद्यार्थीहरुमा उत्जेना, लगनशील, उत्साहित, जाँगरिलो हुने पनि अधिकृत खड्काको भनाई छ ।
प्रतियोगितामा आधारभुत तह र मावि तहका छुट्टाछुट्टै प्रथम २ हुने विद्यार्थीहरुले प्रमाण पत्रसहित १० हजार रुपैयाँ बराबरको पुरस्कार प्राप्त गर्नेछन् । द्वितीय हुने २ विद्यार्थीहरुले प्रमाणपत्रसहित ८ हजार रुपैयाँ बराबरको पुरस्कार प्राप्त गर्नेछन् । यस्तै तृतीय हुने विद्यार्थीहरुले प्रमाणपत्रसहित ५ हजार रुपैयाँ बराबरको पुरस्कार प्राप्त गर्नेछन् भने सान्त्वना हुने विद्यार्थीहरुले प्रमाणपत्रसहित ४ हजार रुपैयाँ बराबरको पुरस्कार प्राप्त गर्नेछन् । यस्तै ५ वटा प्रोत्साहन पुरस्कार पनि वितरण गरिने जनाएको छ । बुधबार नतिजा सार्वजानिक गरिएपनि पुरस्कार वितरण भने केही समयपछि हुने शिक्षा अधिकृत खड्काले बताउनुभयो । कार्यक्रममा उपमहानगरपालिका भित्रका विद्यालयका प्रधानाध्यपकहरु, विद्यार्थीहरु लगायतको उपस्थित रहेको थियो ।
