हेटौँडा : मकवानपुरको बकैया गाउँपालिका–५ स्थित गीतावर सामुदायिक वनमा ९८ वर्षीय जीतबहादुर लामा मृत भेटिएका छन् । सामुदायिक वन क्षेत्रमा भीरबाट लडेका जीतबहादुर सोमबार मृत भेटिएका हुन् ।
वडाध्यक्ष लक्ष्मी जिम्बाले जीतबहादुर मृत भेटिएको भनी प्रहरीलाई खबर गर्नुभएको बताइएको छ । हेटौँडा अस्पतालमा पोष्टमार्टमपछि सोमबार ने आफन्तले जीतबहादुरको शव बुझेर लगेको बागमती प्रदेश प्रहरी कार्यालय हेटौँडाले जनाएको छ ।
