हेटौंडाः मकवानपुरको बागमती गाउँपालिका–४, बागमती खोलामा एक जना पुरुष मृत फेला परेका छन् । मृत फेला पर्नेमा झुरझुरेका ३५ वर्षीय गोपाल थिङ रहेको बागमती प्रदेश प्रहरी कार्यालय हेटौंडाले जानकारी दिएको छ ।
थिङ आइतबार दिउँसो ४ बजेको समयमा माछा मार्न गएकोमा घरमा नफर्केको कारण आफन्तहरुले खोजतलास गर्दै जाने क्रममा सोमबार बिहान २ बजेर १५ मिनेटको समयमा बागमती खोलामा मृत अवस्थामा फेला परेको प्रहरीले जानकारी दिएको छ । मुचुल्का पश्चात शव पोस्टमाटम लागि बिहान ९ बजे हेटौंडातर्फ ल्याइएको लगिएको प्रहरीले जानकारी दिएको छ ।
