हेटौंडाः मकवानपुरढी–४ स्थित मनकामना माध्यमिक विद्यालयको शिक्षक अभिभावक संघको अध्यक्षमा सुमित्रा तिमल्सिना चयन हुनुभएको छ । शुक्रबार गठन भएको शिक्षक अभिभावक संघको सदस्यहरुमा मायादेवी रुम्बा, बिना गोले, पार्वती गोले, बिना तितुङ, दीपेन्द्र केसी, मली गोले, देवकी मोक्तान र प्रतिमा राई चयन हुनुभएको छ । यस्तै, शिक्षक प्रतिनिधि बद्रीप्रसाद गौतम र सीता फयाल चयन हुनुभएको सहायक प्रधानाध्यापक सवितिा तिमल्सिनाले जानकारी दिनुभयो ।
शुक्रबार नै विद्यालयले पुरस्कार तथा छात्रवृत्ति वितरण गरेको छ । कक्षा १ देखि १० सम्म प्रथम, द्वितीय र तृतीय हुने विद्यार्थीलाई पुरस्कार वितरण गरिएको विद्यालयका सहायक प्रधानाध्यापक तिमल्सिनाले जानकारी दिनुभयो । यस्तै, एसएलसीमा उत्कृष्ट जीपीए ल्याउन सफल ३ जना विद्यार्थीलाई विषयगत शिक्षकले पुरस्कार प्रदान गर्नुभएको छ । स्वास्थ्य विषयमा उत्कृष्ट अंक ल्याउने सफल रोजिना लम्साल र विवेक रुम्बालाई शिक्षक बद्रीप्रसाद गौतमले ३–३ हजार नगद पुरस्कार दिनुभएको हो ।
सामाजिकमा विषयमा उत्कृष्ट अंक ल्याउन सफल सस्मिता मोक्तानलाई २ हजार नगद पुरस्कार दिनुभएको तिमल्सिनाले जानकारी दिनुभयो । कार्यक्रम विद्यालय व्यवस्थापन समितिका अध्यक्ष अर्जुनप्रसाद तिमल्सिनाको प्रमुख आतिथ्य तथा जेष्ठ अभिभावक भीमबहादुर श्रेष्ठको आतिथ्य रहेको तिमल्सिनाले जानकारी दिनुभयो ।
