हेटौंडाः मकवानपुर जिल्लाको बागमती गाउँपालिकाले गाउँपालिकाका नागरिक जिल्ला सदरमुकाम हेटौंडाबाट गाउँ फर्कन समस्या भए उद्दार गर्ने जनाएको छ । आज सामाजिक सञ्जालमा सूचना सम्प्रेषण गर्दै गाउँपालिकाले यस्तो जनाएको हो । विश्वव्यापी कोरोना भाइरसको संक्रमणबाट मानवीय जीवन रक्षाका लागि नेपाल सरकारको गरेको लक डाउनमा हेटौंडामा रहेका गाउँपालिकाका नागरिकलाई लैजाने व्यवस्था गर्न लागेको गाउँपालिकाले जनाएको छ । हेटौंडामा रहेको बागमती गाउँपालिकाका व्यक्तिहरुलाई ९८५५०७२०७२ र ९८५५०८८६८८ मोबाइल नम्बरमा सम्पर्क गर्न समेत गाउँपालिकाले अनुरोध गरेको छ ।
