हेटौंडाः हेटौंडा–सिन्धुली सडकखण्डको बकैया गाउँपालिका–३, हात्तिसुँडेमा मंगलबार राती मोटरसाइकल दुर्घटना हुँदा मोटरसाइकल चालक बकैया–५, श्रीपुरका ३० वर्षीय श्याम लामाको मृत्यु भएको छ ।
मंगलबार राती १० बजेको समयमा हात्तिसुडेबाट श्रीपुरतर्फ जाँदै गरेको प्रदेश २–०३–०१८ प २५५७ नम्बरको मोटरसाइकल आफैँ अनियन्त्रित भई सडक छेउको नालीमा खसी दुर्घटना भएको प्रहरीले जनाएको छ । दुर्घटनाको खबर प्राप्त हुनासाथ प्रहरी नायव निरीक्षक दमन तामाङको कमाण्डमा प्रहरी टोली घटनास्थलमा पुगेको जिल्ला प्रहरी कार्यालय मकवानपुरले जनाएको छ ।
दुर्घटनामा गम्भीर घाइते लामालाई उपचारका लागि हेटौंडास्थित चुरेहिल अस्पताल पुर्याइएको थियो । अस्पताल पुर्याइएका लामालाई चिकित्सकले मृत घोषणा गरेको प्रहरीले जानकारी दिएको छ ।
