28 Jan 2020   |   
logo
अन्तर्वार्ता

लोछारको संस्कृतिको जगेर्ना गर्छ



अन्तर्वार्ता   41 पटक पढिएको   लिलाकुमार घलान, अध्यक्ष नेपाल तामाङ घेदुङ बागमती प्रदेश समिति     
भोलि शनिबार तामाङ समुदायले २८५६ औं सोनाम लोछार मनाउँदैछ । लोछारको अवसरमा विभिन्न स्थानमा आजैपनि विभिन्न साँस्कृतिक कार्यक्रमको आयोजना गरिएको छ । लोछारको अवसरमा बागमती प्रदेश सरकारले आज शुक्रबार सार्वजनिक विदा समेत दिएको छ । तामाङ समुदाय विशेषको सोनाम लोछारको अवसरमा नेपाल तामाङ घेदुङ बागमती प्रदेश समितिका अध्यक्ष लिलाकुमार घलानसँग समृद्ध समाज दैनिकका संवाददाता सुसन लामिछानेले गर्नुभएको कुराकानीः

लोछारको संस्कृतिको जगेर्ना गर्छ


समाजः तामाङ लोछार साँस्कृतिक पहिचानलाई जोगाई रहेको छ नै तर पछिल्लो समयमा तडकभडक राष्ट्रिय कलाकार ल्याउने, पैसा खर्च गरेर मनाउने प्रचलन बढ्दो छ नि ?

घलानः सुरुवातमा नेपाल तामाङ घेदुङले २०४७ सालदेखि जुन बहुदल पश्चात नेपालमा एउटा संविधान बन्यो । यसपछि नेपाल तामाङ घेदुङले ६५ ओटा जिल्लामा आफ्नो शाखा विस्तार ग¥यो । यसपछाडि सबै ठाउँमा सोनाम लोछार अनिवार्य मनाउने निर्णय गरियो । हामीलाई पहिला तिथि, मितिको वास्ता थिएन । माघको १ गते नयाँ वर्ष फेरिएको हो भन्ने तामाङ समुदायमा पाइन्छ । तामाङ घेतुङले त्यो मनाई राख्दाखेरि अलि चोक चौतारामा, चौरहरुमा राष्ट्रिय कलाकारहरु ल्याएर खर्चिलो गर्ने गरेको छ । तर अब बिस्तारै हामी त्यसलाई जसरी दशैं, तिहार घरघरमै मनाउने गरेका छौं त्यसरी नै मनाउने योजनामा छौं ।

समाजः प्रदेश सरकारले लोछार पर्वको लागि आज बिदा दिएको छ नी ?

घलानः सर्वप्रथम प्रदेश सरकारले बिदा दिएकोमा प्रदेश सरकारलाई धन्यवाद दिन चाहन्छु । विगतमा १ दिन अगाडि राति मात्र बिदा दिने निर्णय भएको थियो तर यो पटक सरकारले नेवाः ताम्सालिङ प्रदेशको नाम नभएर पनि दिएको होला तर बिदा दिएर प्रदेश सरकारले राम्रो गर्यो । बागमती प्रदेशमा धेरै तामाङहरुको बाहुल्यता रहेको छ । नेपाल ३ चिजमा प्रसिद्ध छ । एक विश्वको सर्वोच्च शिखर सगरमाथा, गौतम बुद्धको जन्मस्थल र नेपालका भएका बहुल जातजाति । यसले नेपालमा धेरै बहुल जातजाती भाषा रहेको एक मात्र देश रहेका कारण पनि विश्वको ध्यान नेपालमा पर्दछ । प्रदेश सरकारले पनि यसलाई सकारात्मक रुपमा लिएको पायौं ।

समाजः पश्चिमा शैली पनि प्रवेश गरेको पाइन्छ । हाम्रो संस्कृतिलाई यस्तो शैलीले कस्तो असर पार्छ ?

घलानः हो, पश्चिमा शैलीले नेपालको संस्कृतिलाई असर गर्छ । हामीले अरुले गरेको जस्तै नक्कल गरेर हैन हामीले परापूर्वकालदेखि चलिआएको चालचलन, रीतिरिवाज, संस्कृतिलाई मध्यनजर गर्दै आफ्नो मौलिकता पस्कनु सक्नुपर्छ । लोछारमा पश्चिमा शैली अपनाउँदा एकपटक भव्य कार्यक्रम गर्ने र अकौ पटक गर्ने नसक्ने हैन सकेसम्म कम खर्चमा सबैलाई समट्ने गरी कार्यक्रम गनुपर्छ जसमा हाम्रो मौलिकतालाई पहिलो प्राथमिकता दिनुपर्छ ।

समाजः तामाङ घेदुङले पछाडि परेका तामाङ युवा, महिलाहरुलाई कसरी व्यवस्थापन गर्छ ?

घलानः तामाङ घेदुङ एउटा संघ हो । यसभित्र पनि विभिन्न भातृ संगठनहरु युवा घेदुङ, महिला घेदुङ, विद्यार्थी घेदुङ लगायत विभिन्न संगठनहरु रहेका छन् । तामाङ घेदुङले चाहि विभिन्न तालिम, सीपमुलक कार्यक्रमहरु गर्ने गरेको  छ । विद्यार्थीहरुमा छात्रवृत्ति र राजनीतिमा पनि संलग्न गराउन पहल गर्ने गर्दछ । सबैलाई आर्थिक र उत्पादनसँग जोड्न पनि घेदुङले सहयोग गर्दै आएको छ । विभिन्न संगठनको नेतृत्वदायी भूमिका पनि दिने गरेको हुँदा घेदुङले सबैलाई समेटको छ ।






सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
sambridhasamaj@gmail.com


24987153 Times Visited.
हाम्रो समुह
सुरेश श्रेष्ठ, सम्पादक, ९८५५०-६८२२७
more...
संचालन तथा प्रायोजनको हक सर्बाधिकार © समृद्ध समाज दैनिक २०७५ मा सुरक्षित रहनेछ ।
Powered by: ExNet  
Top