28 Jan 2020   |   
logo
राजनीति

राप्रपा सुदृढीकरणमा लाग्ने



राजनीति   52 पटक पढिएको   समाज संवाददाता     
हेटौंडाः राष्ट्रिय प्रजातन्त्र पार्टी (राप्रपा) मकवानपुरले आफ्ना नेता, कार्यकर्ताहरूलाई अनिवार्य रुपमा पार्टी सुदृढीकरण अभियानमा सहभागी हुन आग्रह गरेको छ । राप्रपा जिल्ला कार्यसमिति मकवानपुरको बुधबार हेटौंडामा बसेको पदाधिकारी बैठकले जिल्लामा सञ्चालित सङ्गठन सुदृढीकरण अभियानको समीक्षासमेत गरेको छ ।

राप्रपा सुदृढीकरणमा लाग्ने


जिल्ला अध्यक्ष मधु अधिकारीको अध्यक्षतामा बसेको बैठकले सक्रिय सदस्यता अभियान, जिल्ला अधिवेशन, सङ्गठन सुदृढीकरण अभियान, जनवर्गीय सङ्गठन गठन पुनर्गठनलगायतका विषयमा छलफल गरी निर्णय गरिएको राप्रपा हेटौंडा नगर अध्यक्ष गुरुप्रसाद सापकोटाले जानकारी दिनुभयो । वैठकमा हालसम्म भएको गाउ“ तह भ्रमणको प्रगति पनि प्रस्तुत गरिएको थियो । बैठकले जिल्ला कार्यसमितिको कामलाई प्रभावकारी र चुस्त बनाउनको निमित्त ११ सदस्यीय सचिवालयसमेत गठन गर्ने निर्णय गरेको छ । जिल्ला अध्यक्ष मधु अधिकारीको संयोजकत्वमा गठित समितिमा सह–संयोजक रामहरि न्यौपाने, सदस्यहरूमा शिवराम थापा, खिलप्रसाद चौलागाईं, गोपी न्यौपाने, गुन्जनबहादुर न्यौपाने, धु्रुव सन्जेल, गुरुप्रसाद सापकोटा, कृष्ण बिडारी, इन्दिरा न्यौपाने र सदस्य सचिवमा सागर थापा रहनुभएको छ । बैठकमा पार्टीका सहायक महामन्त्री राजाराम बर्तौला, केन्द्रीय सदस्य नवराज विष्ट, युवक सङ्गठनका उपाध्यक्ष दामोदर वाग्ले लगायतको उपस्थिति रहेको बैठकले पार्टीका संस्थापक नेता गोविन्द रिजालको निधनप्रति शोक व्यक्त गर्दै परिवारजनमा समवेदना प्रकट गर्ने निर्णय गरिएको युवा सङ्गठन हेटौंडाका अध्यक्ष भृगु कार्कीले जानकारी दिनुभयो ।






सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
sambridhasamaj@gmail.com


24987232 Times Visited.
हाम्रो समुह
सुरेश श्रेष्ठ, सम्पादक, ९८५५०-६८२२७
more...
संचालन तथा प्रायोजनको हक सर्बाधिकार © समृद्ध समाज दैनिक २०७५ मा सुरक्षित रहनेछ ।
Powered by: ExNet  
Top