28 Jan 2020   |   
logo
समाज

मुख्यमन्त्री पौडेलद्वारा गौरीटार रंगशाला अवलोकन फुटबल मैदान माघभित्रै तयार हुने



समाज   39 पटक पढिएको   समाज संवाददाता   २०७६ मंसिर २३ सोमवार  
हेटौंडाः ३ नम्बर प्रदेशका मुख्यमन्त्री डोरमणि पौडेलले निर्माणाधिन केन्द्रिय खेलकुद प्रतिष्ठानको अवलोकन गर्नुभएको छ । हेटौंडा–६, गौरिटारस्थित निर्माणाधिन प्रतिष्ठानको विषयमा मुख्यमन्त्री पौडेलले मुख्यमन्त्री हुनुभएदेखि नै विशेष चासो दिइरहनुभएको छ । ३ नम्बर प्रदेश सरकारले अग्रसरता देखाएपछि प्रतिष्ठानको निर्माण कार्यले तीव्रता पाएको छ । अवलोकनका क्रममा मुख्यमन्त्री पौडेलले तोकिएको समयमा नै काम सक्न निर्देशन दिनुभयो । निर्माण कम्पनिले आगामी माघ महिनाभित्र फुटबल खेलको घाँसेमैदान तयार पार्नेछ ।

मुख्यमन्त्री पौडेलद्वारा गौरीटार रंगशाला अवलोकन फुटबल मैदान माघभित्रै तयार हुने


यही वर्ष फुटबल, क्रिकेट खेलका लागि मैदान तयार हुने गरी काम गर्न निर्देशन दिनुका साथै निगरानी समेत भइरहेको मुख्यमन्त्री पौडेलले जानकारी दिनुभयो । ‘प्रतिष्ठानलाई देशकै उत्कृष्ट खेलस्थल बनाउने लक्ष्य छ’, मुख्यमन्त्री पौडेलले भन्नुभयो । ‘प्रदेश सरकारले खेलकुद प्रतिष्ठानभित्र फुटबल मैदान बनाउन गत आर्थिक वर्षमा पाँच करोड रुपैयाँ विनियोजन गरेको थियो । उक्त रकमले फुटबल मैदान बनाउने काम भइरहेको छ । हाल धमाधम फुटबल चौरको काम भैरहेको छ भने पुस महिनाभित्र दुबो समेत रोपिसक्ने लक्ष्य रहेको समितिको भनाइ छ । मुख्यमन्त्री पौडेलले निर्माण कार्यप्रति सन्तुष्टी जनाउनुहुँदै निर्माण कम्पनिलाई धन्यवाद समेत दिनुभयो ।

प्रदेश सरकारले चालू आर्थिक वर्षमा प्रतिष्ठान परिसरमा विभिन्न खेलको पूर्वाधार निर्माण गर्न १३ करोड रुपैयाँ बजेट विनियोजन गरेको छ । ‘यो हाम्रो प्रदेशको गौरवको योजना भएकाले बजेटको कमीले अब काम रोकिँदैन’, मुख्यमन्त्री पौडेलले भन्नुभयो । २३ बिघा जमिनमा निर्माणाधिन प्रतिष्ठानमा खेलाडीका लागि सुविधायुक्त आवासको निर्माण पनि भइसकेको छ । प्रतिष्ठानको गुरुयोजनाअनुसार फुटबल मैदान, बहुउद्देश्यीय कभर्डहल, पौडीपोखरी, महिला तथा पुरुष खेलाडीको छुट्टाछुट्टै आवास कक्ष, रिक्रियसन कक्ष, औषधोपचार कक्ष र प्रशासनिक भवन निर्माण हुनेछ ।

मुख्यमन्त्री पौडेलसँगै निर्माणाधिन प्रतिष्ठानको अवलोकनमा पुग्नुभएका ३ नम्बर प्रदेश खेलकुद विकास परिषद्का सदस्य माधव तिमल्सिनाले प्रतिष्ठानमा दुईवटा कभर्ड हल निर्मँणका लागि टेण्डर आव्हान गर्ने चरणमा रहेको जानकारी दिनुभयो । अहिले फुटबल खेलमैदान सम्याउने काम भएको जानकारी गराउनुहुँदै ८ इन्च ग्राभेल गरेर त्यसमाथि ४ इन्च माटो राखेपछि कलकत्ताबाट बर्मुडा प्रजातिको घाँस रोपिने सदस्य तिमल्सिनाले बताउनुभयो । निर्माण कम्पनिले माघ महिनासम्ममा एकचरण घाँस काटेर मैदान हस्तान्तरण गर्ने सम्झौता रहेको उहाँले जानकारी दिनुभयो ।









सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
sambridhasamaj@gmail.com


24987222 Times Visited.
हाम्रो समुह
सुरेश श्रेष्ठ, सम्पादक, ९८५५०-६८२२७
more...
संचालन तथा प्रायोजनको हक सर्बाधिकार © समृद्ध समाज दैनिक २०७५ मा सुरक्षित रहनेछ ।
Powered by: ExNet  
Top